Jampé, Asihan, & Jangjawokan ti Nanjung Jaya

Jampé Mandi

Cur mancur dzat cahaya
Tunggul hurip tangkal hurip
Hurip awak aing

Asihan

Asihan aing Si Leugeut Teureup
Ti teuteul ti amburateul
Mangka eunteup mangka asih
Asih ka awak aing

Data Informan

Nama : Bpk. Ikin
Umur : 56 tahun
Alamat : Desa Nanjung Jaya Kec. Kersamanah Kab. Garut Rt/Rw 02/04
Pekerjaan : Ketua RT, Petani

Jangjawokan Angkat-angkatan Murangkalih

1
Nini koronyok kosong
Aki koronyok kosong
Mangosongkeun jalan aing
Ulah kosong-kosong teuing
Eusina sukma jeung bayu

2
Nini juwal-jawil
Aki juwal-jawil
Ulah ngajawil suku aing
Ngajawil gé heunceut Anjing

Data Informan

Nama : Ibu Aisyah
Umur : 54 tahun
Alamat : Desa Nanjung Jaya Kec. Kersamanah Kab. Garut
Pekerjaan : Guru MI

Jampé Ibak

Niat isun adus
Ing talaga enur
Adusan badan rohani
Roh madep maring Alloh
Laillahaillolloh Muhammadarrosullulloh

Jampé Bobo

Dug turu gulingan jati
Badan turu ati tanghi
Nyawa muji angen éling
Roh madep ka Alloh
Tutulak bayu tutulak
Tulak sungsang tutunjangan
Tulak tanggul sisirahan
Istan saparan-paran

Data Informan

Nama : Kang Dédén
Umur : 32 tahun
Alamat : Desa Nanjung Jaya Kec. Kersamanah Kab. Garut Rt/Rw 02/04
Pekerjaan : Guru MI